Ժամանում աշխարհի ամենահին քրիստոենական երկիր Հայաստան, 2800 տարի առաջ հիմնադրված մայրաքաղաք Երևանի Զվարթնոց օդանավակայան. տեղավորում հյուրանոցում: Փոքրիկ ճանաչողական տուր Երևանի
կենտրոնում, հանդիսավոր ընթրիք ժամանման կապակցությամբ:Գիշերակաց Երևանում:

 Երևան- նախաճաշ 07:00; Առինջ - Վարպետ Լևոնի Աստվածային գետնափոր; Վանական համալիր՝ Ձագավանք (Գետարգելի Սբ. Նշան) 7-17 դդ., Մատուռ Սբ. Կարապետ 20 դ., սբ. Հովհաննես եկեղեցուց 500 մ հեռու, Հ. Դավթյանի տան դիմաց, կառուցված է հին եկեղեցու տեղում, Մատուռ Կարմրավոր 13 դ., Մատուռ Թուխ Մանուկ 13 դ., Եկեղեցի Սբ. Հովհաննես 1880թ., կառուցված է հին եկեղեցու տեղում: Ջրվեժ - Եկեղեցի Սբ. Աստվածածին (Կաթողիկե) 1891թ., կառուցված է հին եկեղեցու տեղում: Գառնի - Գառնու հեթանոսական տաճար, միակ հեթանոսական կառույցը, որը կանգուն է մնացել քրիստոնեության ընդունումից հետո, մոտակայքում կան՝ արքայական բաղնիք, բաղնիքի հատակին շատ գեղեցիկ խճանկար, թագավորական պալատի մնացորդները: Նախնական թեթև ճաշ, Եկեղեցի Սբ. Աստվածածին 12-13 դդ. գյուղի hարավարևելյան մասում, մեծ գերեզմանոցի տարածքում, որտեղ առկա են բազմաթիվ հինավուրց եզակի խաչքարեր, եկեղեցի Սբ. Աստվածածին (Մաշտոց հայրապետ, «Սումպենց վանք») 12-13 դդ., խաչքար Դատավոր Գագիկի 12-13 դդ., Սբ. Աստվածածին եկեղեցուց 100մ արևմուտք Հարությունյանների տան բակում,  նախնական թեթև ճաշ 12:00,  Եկեղեցի Սբ. Աստվածածին 17-19 դդ, Մատուռ 13դ.՝ Չարենց և Շահումյան փողոցների խաչմերուկում՝ Պապիկյանների տան մոտ; ոտքով կիջնենք Քարայր-կացարան «Աղջկա բերդ 14 դ.՝ Գառնի ամրոցից 400մ արևմուտք, ձորի լանջին, ուղղահայաց ժայռի ստորոտում, աղբյուրի մոտ; քարերի սիմֆոնիա բնական հուշարձան, ապա կանցնենք Ազատ գետ վրայի 11դ կամրջով դեպի Հավուց թառ վանք տանող ճանապարհ, ոտքով կբարձրանանք Հավուց թառ վանք, այնտեղից՝ Ս.Կարապետ մատուռ, որտեղ հանգստանալուց և ճաշելուց հետո Խոսրովի արգելոցի միջով կքայլենք դեպի Աղջոց վանք, ապա հետ կվերադառնանք Երևան: Ընթրիք 20:00, գիշերակաց Երևանում:

Երևան- նախաճաշ 07:00, Ողջաբերդ - Չարենցի կամարը, որտեղից բացվում է հիանալի տեսարան դեպի Բիբլիական Արարատ լեռը, եթե, իհարկե, լինի պարզ եղանակ, Գեղարդ - Գեղարդի վանք (Գեղարդավանք, նաև Այրիվանք), միջնադարյան վանական համալիր Հայաստանում։ Գտնվում է Կոտայքի մարզի Գողթ գյուղի մոտ՝ Ազատ գետի վերին հոսանքում՝ աջ ափին։ Այստեղ է պահվել հայտնի գեղարդը, որով հռոմեացի զինվորը խոցել է Քրիստոսի կողը։ Այն Հայաստան էր բերել քրիստոնեության առաջին քարոզիչներից՝ Թադեոս առաքյալը։ Այժմ այն գտնվում է Վաղարշապատում՝ պատմության թանգարանում։ Վանական համալիրի «Այրիվանք» անվանումը տրվել է կառույցին 140-ի հասնող քարայր-խցերի պատճառով։ Գեղարդի վանական համալիրը հանդիսանում է ՅՈՒՆԵՍԿՕ-ի համաշխարհային ժառանգության մաս և Հայաստանի տեսարժան վայրերից մեկը: Կոթող-ուղենիշ՝ «Գեղարդ» 1958 թ., Հուշակոթող Երկրորդ աշխարհամարտում զոհվածներին՝1978թ.:ճաշ 12:00:
Գառնի - վերադառնում ենք Գառնու գեղատեսիլ ձոր և Խոսրովի արգելոցի միջով շարժվում դեպի Բայբուրդի եկեղեցի, այնտեղից՝ Վահագնի և Աստղիկի ջրվեժներ, իսկ վերջում բարձրանում ենք Կաքավաբերդի ամրոց և վերադառնում Երևան: Ընթրիք 21:00 :Գիշերակաց Երևանում:

 Երևան- նախաճաշ 07:40, 4-րդ օրը փոքր-ինչ հանգիստ ենք առնում և այցելում մի շարք թանգարաններ, եկեղեցիներ և այլ հետաքրքիր վայրեր Երևանում: Միջին արևելքի և Եղիշե Չարենցի անվան թանգարաններ, Եկեղեցական համալիր Զորավոր Սբ. Աստվածածին 17-19-րդ դարեր, վերակառուցված` 1978-1980թթ՝ Ամենայն հայոց կաթողիկոս Վազգեն 1-ի կողմից, այնտեղ է գտնվում Անանիա առաքյալի հրաշագործ մասունքները; Երվանդ Քոչարի տուն-թանգարան, աշխարհի միայն երկու թանգարանում կարելի է տեսնել Քոչարի տարածական նկարները՝ Երվանդ Քոչարի թանգարանում և Փարիզի Ժ. Պոմպիդու կենտրոնում։ Երվանդ Քոչարի թանգարանը տարածաշրջանում պատմական ավանգարդի ուսումնասիրման և հանրահռչակման կարևոր կենտրոն է հանդիսանում։ Երևանի Մեսրոպ Մաշտոցի անվան Մատենադարան, հին ձեռագրերի և փաստաթղթերի պահպանման և ուսումնասիրման կենտրոն, ձեռագրերի պահպանման աշխարհի ամենահարուստ կենտրոններից մեկը։ Ունի ձեռագրերի և միջնադարյան գրքերի աշխարհի ամենախոշոր հավաքածուներից մեկը։ Այստեղ պահպանվում են շուրջ 23000 ձեռագիր, համայիլներ, պատառիկներ և 300 000 արխիվային փաստաթուղթ։ Ամեն տարի Մատենադարանն ունենում է շուրջ 50000 այցելու։ Մատենադարանը 1997 թվականին գրանցվել է ՅՈՒՆԵՍԿՕ-ի համաշխարհային հիշողության ցանկում: Ազգային Ակադեմիայի երկրաբանական թանգարան, Սուրբ Աննա առաջնորդանիստ մայր տաճար, որը կառուցվել է 17-րդ դարի Սուրբ Աստվածածին եկեղեցու հարևանությամբ, Հովհաննես Շարամբեյանի անվան ժողովրդական արվեստների թանգարան, ճաշ 14:00, Փայտարվեստի թանգարան, Սուրբ Սարգիս առաջնորդանիստ եկեղեցի 1842թ, Երևան քաղաքի պատմության թանգարան, Արարատ և Նոյ կոնյակի գործարաններ, կհամտեսենք գինիներ և կոնյակներ; Հայոց ցեղասպանության թանգարան և Ծիծեռնակաբերդ հուշահամալիր, ցեղասպանության գլխավոր կազմակերպիչ Թալեաթ փաշային Բեռլինում 1921թ. ցերեկով սպանող և դատարանի որոշմամբ անմիջապես արդարացված Սողոմոն Թեհլերյանի կիսանդրի; Սովետ ակումբ, Երևան կամ Դալմա մոլլ առևտրի ժամանցի կենտրոն: Ընթրիք 20:00: Գիշերակաց Երևանում:

Երևան-  նախաճաշ 07:00, Լոռու մարզի Մեծ Պարնի գյուղից ոտքով կբարձրանանք ծովի մակերևույթից 2000 մետր բարձրությամբ լեռան գագաթին գտնվող Սուրբ Հովհաննես հրաշագործ մատուռ, ճանապարհին խմելով բուժիչ աղբյուրի ջրից; ճաշ 14:00, Մեծ Պարնիի եկեղեցի;Թռչկանի ջրվեժը որը տեսնելու համար գնալու ենք բեռնատարներով լեռնային ճանապարհներով, մի հատված ել կքայլենք ոտքով; ընթրիք 21:00: գիշերակաց Արագածում:

 Արագած-  նախաճաշ 07:00, մեքենայով կհասնենք Ծաղկեվանք՝ Ս.Վարվառայի գերեզմանը, այնուհետև ոտքով կբարձրանանք ծովի մակերևույթից 2614 մետր բարձրության՝ Արալեռը և այնտեղից մեր առջև կբացվի հիանալի տեսարան դեպի բիբլիական Արարատ լեռը և Արարատյան դաշտավայր, այնտեղից կգնանք Արագած լեռան լանջին գտնվող անոմալ գոտի, այստեղ ջուրը, հակառակ ձգողականության օրենքի հոսում է լեռնիվեր, իսկ կանգնեցված մեքենան շարժվում է բարձունքն ի վեր ուղղությամբ և զարգացնում՝ զրոյից մինչև առնվազն 30կմ/ժամ արագություն; ճաշ 14:00, Ամբերդի ամրոց, ընթրիք Բյուրականում՝ 20:00, Բյուրականի աստղադիտարանից կդիտենք աստղերը, եթե լինի պարզ եղանակ: Գիշերակաց Երևանում:

Երևան- նախաճաշ 07:00 (այն անձինք, որոնց թռիչքը առավոտյան վաղ ժամի լինի՝ նրանց նախաճաշը կտրվի ավելի շուտ); ազատ ժամեր, Վերնիսաժ, Գումի շուկա, տեղափոխում Զվարթնոց օդանավակայան: